Azərbaycanda 21 iyun saat 00.00-dan 5 iyul saat 6.00-dək ciddi karantin elan olunacaq.

Economic.az xəbər verir ki, bu barədə Nazirlər Kabineti yanında Operativ Qərargahın mətbuat konfransında Xarici İşlər Nazirliyinin Mətbuat xidməti idarəsinin rəisi Leyla Abdullayeva bildirib.

O deyib ki, 1-ci mərhələ üzrə Bakı, Gəncə, Yevlax, Masallı, Cəlilabad, Sumqayıt və Abşeron üzrə SMS xəbərdarlıq və xüsusi icazə ilə evdən çıxmaq qaydası tətbiq ediləcək, eləcə də ticarət mərkəzlərinin, ictimai iaşə obyektlərində yerində xidmətlər dayandırılacaq. Həmçinin, bərbərxana və gözəllik salonları, muzeylər fəaliyyət göstərməyəcək.