Bitcoin məzənnəsi minimum səviyyəyə düşüb
Bazar ertəsi, mayın 9-da keçirilən hərrac zamanı bitcoinin qiyməti 33,49 min dollara düşüb ki, bu da 2021-ci ilin yayından etibarən ən aşağı göstəricidir. Bunu “Binance” birjasının məlumatları sübut edir.
Hərrac başlayandan sonra bitcoin 3,35% ucuzlaşıb və Moskva vaxtı ilə 11,14-də 33,49 min dollara enib. Moskva vaxtı ilə 13,12-də rəqəmsal valyutanın məzənnəsi 33,39 min dollar (-3,59%) təşkil edib.
Mayın 6-da “Moody’s” sanksiyalar səbəbindən kriptovalyutaların Rusiya üçün səmərəsiz olduğunu açıqlayıb. “Moody’s” əlavə edib ki, kriptovalyutalar Rusiyaya beynəlxalq maliyyə əməliyyatlarını məhdudlaşdıran Qərb sanksiyaları ilə mübarizədə kömək edə bilməyəcək.
Bundan əvvəl Rusiya Bankının Haqsız Təcrübələrə Qarşı Mübarizə Departamentinin direktoru Valeri Lyax bildirmişdi ki, 2022-ci ilin birinci rübündə müəyyən edilmiş maliyyə piramida sxemlərinin 58%-dən çoxu kriptovalyutalarla bağlıdır. Onun sözlərinə görə, son vaxtlar kriptovalyutadan istifadə etməklə köçürmələrə və ya guya rəqəmsal alətlərə investisiyalara əsaslanan yeni tipli sxemlərin sayında artım müşahidə olunur.
BƏNZƏR MƏQALƏLƏR
-
Dollar bahalaşır: Avro və funt sterlinq düşür
Britaniya funt sterlinqinin dəyəri bazar ertəsi rekord həddə aşağı enib. Funt sterlinqin kəskin ucuzlaşması ABŞ […]
-
Qızıl sürətlə ucuzlaşır
Dünyada dollar indeksinin tarixi rekord səviyyəyə çatması fonunda qızılın qiyməti son 2,5 ilin minimumuna enib. […]
-
Pul bazası artıb
2022-ci il avqustun 1-nə olan vəziyyətə görə Azərbaycanda pul bazası 16,12 milyard manat təşkil edib. […]