“Beatles” qrupunun 50 il bundan qabaq yoxan çıxan gitarası rekord məbləğə satılıb
Stokholm, 1 iyun, Nərgiz Cəfərli, AZƏRTAC
Böyük Britaniyanın məşhur “Beatles” qrupunun yaradıcısı Con Lennona məxsus gitara “Julien’s” hərrac evində 2,9 milyon dollara satılıb.
AZƏRTAC xəbər verir ki, “Framus” markalı 12 simli gitara 1965-ci ildə “Help” və “Rubber Soul” albomlarının yazılması zamanı istifadə olunub.
Bu, indiyədək “Beatles”a məxsus satılan ən bahalı əşya hesab edilir.
Bildirilir ki, Lennon gitaranı Şotlandiya musiqiçisi Qordon Vellerə hədiyyə edib, o da öz növbəsində onu tur menecerinə verib. Alət daha sonra ingilis kəndindəki bir evin çardağında təxminən 50 il unudulub və yalnız ev satışa çıxarıldıqda tapılıb.
Hərrac evi alətin dəyərini 600-800 min dollar arasında qiymətləndirib.
Qeyd edək ki, ən bahalı gitara 2020-ci ildə hərracda 6 milyon dollara satılıb və Kurt Kobeynə məxsus olub.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]