Bakıdakı Rus evində gənc rəssamların əsərlərdən ibarət sərgi açılıb
Bakı, 2 iyun, AZƏRTAC
Bakıdakı Rus evində “Rəngin sehri” adlı sərginin açılışı olub və Uşaqların Beynəlxalq Müdafiəsi Gününə həsr olunmuş bayram konserti keçirilib. Tədbir Bakıdakı Rus evi və Üzeyir Hacıbəyli adına Bakı Musiqi Akademiyası (BMA) tərəfindən birgə təşkil olunub.
AZƏRTAC xəbər verir ki, iyunun 2-dək davam edəcək sərgidə təsviri sənət müəllimi Səbinə Ağasiyevanın rəhbərliyi ilə SabinArt Rəssamlıq Məktəbinin gənc rəssamlarının, şagirdlərinin 45 əsəri təqdim olunub.
Tədbirin açılışında Bakıdakı Rus evinin rəhbəri İrek Zinnurov uşaqları, eləcə də onların valideynlərini və müəllimlərini təbrik edib.
Sərginin gənc ziyarətçiləri üçün də canlı konsert proqramı təqdim olunub. Vokal və instrumental əsərlər Üzeyir Hacıbəyli adına Bakı Musiqi Akademiyasının məzunları Aminat Əhmədova və Nərgiz Məmmədova, həmçinin 21 və 36 nömrəli musiqi məktəblərinin şagirdləri Xanım Kərimli, Leyla Məhərrəmli, Aysu Sadıqzadə və Məryəm Əliyevanın ifasında səsləndirilib.
Tədbirin aparıcısı və kuratoru sənətşünaslıq üzrə fəlsəfə doktoru BMA-nın baş müəllimi Alyona İnyakina olub.
Bayram axşamında gənc rəssamlara diplom və hədiyyələr təqdim edilib.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]