Bakı sakinlərinin sayı ən yüksək həddə çatıb: Paytaxtda hər il əhalinin sayı 20-30 min nəfər artır - Economic.Az
MƏZƏNNƏLƏR
FreeCurrencyRates.com

QAYNAR XƏBƏRLƏR

Bakı sakinlərinin sayı ən yüksək həddə çatıb: Paytaxtda hər il əhalinin sayı 20-30 min nəfər artır

Son 120 ilin statistik göstəricilərinə əsasən, Bakı əhalisinin sayı bu ilin əvvəlində ən yüksək həddə çatıb.

2018-ci ilin əvvəlində Bakının 2 milyon 262 min 600 nəfər əhalisi olub ki, bu da paytaxt üçün son 120 ilin ən yüksək göstəricisi sayılır.

Yalnız 1990-91-ci illər istisna olmaqla, demək olar ki, paytaxt əhalisinin sayında hər il artım müşahidə edilib.

Son dövrlərdə il ərzindəki artım göstəricisinin əvvəlki dövrlərlə müqayisədə bir qədər azalmasına baxmayaraq, əhalinin ümumi sayında yenə də hiss ediləcək artım var.

 1999-cu ildən sonra Bakıda əhalinin il ərzindəki artımı 1-2 faiz civarında olsa da, 2016-cı ildə bu göstərici 0,9 faiz (20 000 nəfər), 2017-ci ildə isə 0,7 faiz (16 800 nəfər) olub.

Ümumilikdə götürdükdə son illər ərzində paytaxtda əhalinin sayı il ərzində 20-30 min nəfər artır.

Son 17 ildə Bakıda əhalinin sayında ən yüksək illik artım 2008-ci ildə müşahidə edilib. Həmin il paytaxt əhalisinin sayı 2 faiz, başqa sözlə 40 min 200 nəfər artıb.

Trend.az

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.

Top