
AzVİF ilin ilk yarışını keçirdi
Nazirlər Kabineti yanında Operativ Qərargahın iyun ayının 1-dən etibarən açıq məkanlarda idman yarışlarının keçirilməsinə icazə verməsidən sonra Azərbaycan Velosiped İdmanı Federasiyası mövsümün ilk yarışını təşkil edib. Dünya Velosiped Gününə həsr edilmiş trek üzrə Federasiya Kuboku yarışında U15, U17 və gənclər kateqoriyası üzrə 60-a yaxın idmançı mübarizə aparıb. Karantin rejimi zamanı ev şəraitində məşq edən velosipedçilərin fiziki durumunu yoxlamaq məqsədilə keçirilən turnir fərdi ötüşmə sistemi üzrə təşkil olunub.
“Economic”ə verilən məlumata görə, 15 yaşadək qızların 333 metr məsafəyə yarışında 7 saylı Olimpiya Məktəbinin üzvü İradə Əbdürəhmanova, 666 metr məsafəyə mübarizəsində Respublika Olimpiya Velosiped Məktəbinin yetirməsi Radha Şabanova 1-ci olub. Bu yaş kateqoriyasında oğlanlar arasında isə Respublika Olimpiya Velosiped Məktəbindən Tamerlan Vitovski hər 2 növdə fəxri kürsün ən yüksək pilləsinə qalxıb.
17 yaşadək oğlanlar arasında Respublika Olimpiya Velosiped Məktəbini təmsil edən Kamran Mirzəxanov həm 333, həm də 1 km məsafəyə ötüşmələrdə bütün rəqiblərini qabaqlayıb. 7 saylı Olimpiya Məktəbin üzvləri Gülşən İsmayılova 333, Fatimə Əfqanzadə isə 1 km məsafəyə fərdi ötüşmədə çempionluq sevinci yaşayıb.
Və nəhayət, gənc oğlanlar arasında “Neftçi” İdman Klubunun velosipedçisi Nofəl Nuriyev, gənc qızlar arasında isə Respublika Olimpiya Velosiped Məktəbindən Viktoriya Sidorenko həm 200 metr, həm də 1 km məsafəyə ötüşmələrdə hamıdan güclü olublar.
Qaliblər medal, diplom və qiymətli hədiyyələrlə təltif edilib. Yarış zamanı Nazirlər Kabineti yanında Operativ Qərargahın koronavirus pandemiyasına qarşı mübarizə çərçivəsində verdiyi bütün tapşırıq və tovsiyələrə əməl edilib.
BƏNZƏR MƏQALƏLƏR
Respublika əhəmiyyətli Ucar-Zərdab-Ağcabədi avtomobil yolunun tikintisi yekunlaşıb – VİDEO / FOTO
Azərbaycan Prezidenti İlham Əliyevin fərmanı ilə təsdiqlənən “Azərbaycan Respublikası regionlarının 2019-2023-ci illərdə sosial-iqtisadi inkişafı Dövlət […]
Bu prospekt də hərəkət qismən məhdudlaşdırılacaq
Economic.az xəbər verir ki, yanvar ayının 9 və 10-da Ziya Bünyadov prospektinin Azadlıq prospekti ilə […]
Pirallahı rayonunda ümumi uzunluğu 4 km olan daha 2 küçə təmir edildi
Bakı şəhərinin Pirallahı rayonu ərazisində avtomobil yollarının yenidən qurulması işlərinin davam etdirilməsi ilə bağlı əlavə […]