Azərbaycanda qış turizminin növbəti il üçün hədəfləri AÇIQLANDI

Növbəti il üçün Azərbaycanda qış turizmi ilə bağlı hədəflər açıqlanıb.

Oxu.Az xəbər verir ki, bu barədə Azərbaycan Turizm Bürosunun Turizm məhsulu sektorunun müdiri Günel Bədəlova Azərbaycanda qış turizminin potensialı və “Şahdağ” Turizm Mərkəzinin qış mövsümü hazırlığına həsr olunan təqdimat mərasimində məlumat verib.

Günel Bədəlova qeyd edib ki, bununla bağlı əsasən üç istiqamət müəyyənləşdirilib.

“Türkiyə ilə qış turizminin inkişaf etdirilməsi istiqamətində əməkdaşlıq və təcrübə mübadiləsi aparılacaq. Xarici media nümayəndələri (bloqerlər, “influencer”lər) və aparıcı qış tutizm operatorları üçün 2023-cü ilin yanvar-fevral aylarında tanıtım səfərinin təşkili nəzərdə tutulub. Həmçinin qonşu ölkələrlə mübadilə fəaliyyətləri planlaşdırılıb”, – deyə o bildirib.