Azərbaycanda istehsal edilən minik avtomobillərinin sayı açıqlanıb

Azərbaycanda 2020-ci ilin yanvar-may aylarında maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 127,7 milyon manatlıq məhsul istehsal edilib.

Economic.Az Trend-ə istinadən bildirir ki, əvvəlki ilin müvafiq dövrü ilə müqayisədə avtomobil, qoşqu və yarımqoşquların istehsalı 2,3 dəfə, sair nəqliyyat vasitələrinin istehsalı isə 37,6 faiz artıb, maşın və avadanlıqların istehsalı isə 8,2 faiz azalıb.

Yanvar-may aylarında 672 ədəd və ya ötən ilin müvafiq dövrü ilə müqayisədə 248 ədəd az minik avtomobili istehsal olunub.