Azərbaycanda bir iş adamı itlərinə toy edib.

Məclis Goranboy rayonunda iş adamına məxsus zavodun həyətində baş tutub.

İş adamı Qalib Mustafayev toy məclisində itlərin şərəfinə sağlıq deyib.

İtlərə plov və kabab bişirilib. Hələ bu azmış kimi məclisi aşıq idarə edib, saz və balabanla musiqilər səsləndirilib.

Qeyri-adi toy məclisi sosial şəbəkələrdə böyük səs-küyə səbəb olub.

Sosioloq deyir ki, həmin məclisin təşkilinə sərf edilmiş vəsaiti daha faydalı istiqamətdə xərcləmək daha təqdirəlayiq olardı.

Məsələ ilə bağlı danışan tanınmış iş adamı Qalib Mustafayev yayılmış informasiyanın yalan olduğunu bildirib. Biznesmen qeyd edib ki, orada sadəcə dost məclisi olub. Heç bir it toyundan söhbət gedə bilməz. O qeyd edib ki, sosial şəbəkələr bunu yanlış qələmə verib. Ona görə də məlumatı yayan saytlar şəxsi həyata müdaxilə etdikləri üçün hüquqi müstəvidə cavab verəcəklər. /xezerxeber.az