Azərbaycanda ilk dəfə uzunömürlülük xəritəsi hazırlanıb
Azərbaycanda ilk dəfə olaraq ölkənin uzunömürlülük xəritəsi tərtib edilib.
Bunu Milli Elmlər Akademiyası Fiziologiya İnstitutunun direktoru, biologiya üzrə elmlər doktoru Ulduz Həşimova deyib.
U.Həşimova bildirib ki, Azərbaycanın bəzi bölgələrində uzunömürlülülk indeksi çox yüksəkdir:
“Elə bölgələr var ki, orada uzunömürlülük indeksi ilə bağlı rekord göstəricilər qeydə alınır. Şuşa, Xocavənd, Xankəndi, Qazax, Tovuz rayonları üzrə sakinlərin uzunömürlülüyü ilə bağlı göstəricilər yüksəkdir. Buna görə də yaxın gələcəkdə biz o rayonlar üzrə, eləcə də Naxçıvan Muxtar Respublikasında tədqiqatlar aparmağı planlaşdırırıq. Amma bu il uzunömürlülərlə bağlı İsmayıllı rayonunda tədqiqatlar aparılacaq”.
Hazırda Azərbaycanda 90 yaşından yuxarı olan təxminən 10000 nəfər uzunömürlünün olduğunu deyən U.Həşimova bildirib ki, uzunömürlülər tədqiq olunarkən əvvəlcə, onların yaş verifikasiyası aparılır. Lakin yaşın verifikasiyasının aparılması uzunömürlülərlə bağlı aparılan tədqiqatların ilkin mərhələsi olur. Tədqiqatlar zamanı uzunömürlülər, onların ailə üzvləri, eləcə də uzunömürlülük qeydə alınmayan ailələrin üzvləri tədqiqat qrupuna cəlb edilir və onlar üzərində eyni tibbi-bioloji müayinələr aparılır. Bu müayinələrin aparılmasında həkimlər, bioloqlar, psixoloqlar və s. iştirak edir.
U.Həşimova əlavə edib ki, Azərbaycanda uzunömürlülüyün elmi tədqiqinə 80-ci illərin ortalarından başlanılıb və bu tədqiqatlar Azərbaycanın müxtəlif bölgələrində aparılıb:
“Uzunömürlülərin sayının artıb-azalması dalğavari prosesdir. Ölkədə baş verən müəyyən hadisələr onların sayına təsir göstərib. Məsələn, məcburi köçkünlük ilk növbədə qocalar və uzunömürlülərə öz mənfi təsirini göstərib. Son məlumatlar isə ölkəmizdə uzunömürlülərin sayının artdığını göstərir”.
Trend.az
BƏNZƏR MƏQALƏLƏR
-
Azərbaycanda yaşayan miqrantlar və qaçqınlar üçün inteqrasiya” Proqramı çərçivəsində səfər təşkil olundu – FOTOLAR
24 may 2023-cü il tarixində Avropa İttifaqının maliyyələşdirdiyi “MOBILAZE 2” layihəsi nəzdində Miqrasiya Siyasətinin İnkişafı […]
-
Miqrasiya Siyasətinin İnkişafı üzrə Beynəlxalq Mərkəz -in MOBİLAZE 2 layihəsi çərçivəsində AUİB-nə səfər keçirildi
16 may 2023-cü il tarixində Miqrasiya Siyasətinin İnkişafı üzrə Beynəlxalq Mərkəz (MSİBM), Avropa Ittifaqı və […]
-
“ŞAGİRDLƏRİN FORUM TEATRI” LAYİHƏSİ YEKUNLAŞDI
“Şagirdlərin Forum Teatrı” – incəsənət əsaslı öyrənmə metodla məktəbdə yaradıcı mühitin inkişafı və sosial problemlərin […]