![](http://economic.az/uploads/2024/07/1721154200475035285_1200x630.jpg)
Azərbaycan badmintonçuları beynəlxalq turnirdə bürünc medal qazanıblar
Bakı, 16 iyul, AZƏRTAC
Azərbaycanın yeniyetmə badmintonçuları Türkiyənin İstanbul şəhərində keçirilən beynəlxalq turnirdə 2 kateqoriya üzrə bürünc medal qazanıblar.
Azərbaycan Badminton Federasiyasından AZƏRTAC-a verilən məlumata görə, “İstanbul U-17 Open” turnirinə 3 qız, 2 oğlan badmintonçu ilə qatılan komanda Türkiyə, Serbiya, Fransa, Bolqarıstan, İngiltərə, Albaniyanı təmsil edən 17 yaşadək badmintonçuların turnirində oğlanların qoşa kateqoriyasında bürünc medala layiq görülüb.
Mübarizəyə 1/16 final mərhələsindən başlayan Ülvi Hüseynov-Əmirxan İmanov tandemi ardıcıl 3 qələbə sayəsində yarımfinala yüksəlib. Gənclər və İdman Nazirliyi ilə Elm və Təhsil Nazirliyinin dəstəyi, Azərbaycan Badminton Federasiyası ilə Malaziya Badminton Federasiyası arasında imzalanan memoranduma əsasən, artıq ilyarımdır dünyanın ən güclü badminton məktəblərindən sayılan Malayziyada xüsusi proqramla hazırlıq keçən Ülvi Hüseynov və Əmirxan İmanov oğlanların qoşa kateqoriyasında turnirin qalibi olan Fatih Erdoğan-Yigitcan Erol tandeminə 2 setdə uduzub – 15-21, 17-21.
Daha bir bürünc medal 13 yaşadək badmintonçuların qarışıq qoşa yarışında qazanılıb.
Yeniyetmə badmintonçu Ömər Teymurlu Bolqarıstan təmsilçisi Kalina Koseva ilə birgə müvafiq kateqoriyada ardıcıl olaraq 3 qələbə qazanaraq turnirin yarımfinalına kimi irəliləməklə mükafatçılar sırasında yer almağı bacarıb.
BƏNZƏR MƏQALƏLƏR
-
Alimlər sudakı kimyəvi maddələri tez və ucuz şəkildə məhv edən üsul hazırlayıblar
Bakı, 8 sentyabr, AZƏRTAC Alimlər suda “sonsuz kimyəvi maddələri” tutaraq məhv edən yeni üsul hazırlayıblar. […]
-
Dünyada sink-ion batareyaları istehsal edən ilk meqa fabrik açılıb
Bakı, 8 sentyabr, AZƏRTAC Dünyanın ilk sink-ion akkumulyator istehsal edən meqa fabriki İsveçdə açılıb. AZƏRTAC […]
-
“Titanik” filminin məşhur mahnısının müəllifi vəfat edib
Bakı, 8 sentyabr, AZƏRTAC “Titanik” filmində səslənən “My heart will go on” mahnısının sözlərinin müəllifi, […]