ATMU-nun tələbə, məzun və əməkdaşları sağlamlıq imkanı məhdud gənclərin qonağı olublar
Azərbaycan Turizm və Menecment Universitetinin (ATMU) Müzeyşünaslıq ixtisası üzrə təhsil alan ikinci kurs tələbələri, o cümlədən universitetin məzun və əməkdaşları 29 sentyabr 2018-ci il tarixində Ramanada yerləşən 1 saylı Sağlamlıq İmkanları Məhdud Gənclərin Peşə Reabilitasiya Mərkəzinə baş çəkiblər.
Economic-ə verilən məlumata görə, ziyarətçilər mərkəzin sakinləri ilə sağlamlıq imkanları məhdud gənclərin cəmiyyətə verdiyi töhfə, ölkədaxili və beynəlxalq arenada qazandıqları uğurlar haqqında fikir mübadiləsi aparıblar. Görüş əsnasında ali təhsil müəssisəsinin təmsilçiləri Azərbaycan Boccia İdman Federasiyasının baş katibi İlham Məhərrəmov və federasiyasının üzvləri ilə də görüşüblər. ATMU nümayəndələri idman növü haqqında ətraflı məlumatlandırılmaqla bərabər, adı çəkilən oyunda öz qüvvələrini sınayıblar.
1 saylı Sağlamlıq İmkanları Məhdud Gənclərin Peşə Reabilitasiya Mərkəzi sakinlərinin əl işləri ilə tanışlıqdan sonra Azərbaycan Turizm və Menecment Universiteti tələbələrinin hazırladıqları hədiyyələrin təqdim olunması ilə görüş başa çatıb.
BƏNZƏR MƏQALƏLƏR
-
Bakı-Dubay reysi ilə bağlı AZAL-dan AÇIQLAMA
Bizim WhatsApp kanalımıza buradan abunə ola bilərsiniz “Azərbaycan Hava Yolları” aviaşirkətinin Bakı-Dubay marşrutu üzrə J2 […]
-
AZAL Laçın hava limanının nəzarət sistemi ilə təchiz edilməsinə dair müqavilə imzalayıb – FOTO
Bizim WhatsApp kanalımıza buradan abunə ola bilərsiniz Frankfurt-Maynda keçirilən nüfuzlu “Passenger Terminal Expo 2024” konfransında […]
-
Rusiyada işləyən azərbaycanlıların nəzərinə: Rus dili imtahanında dəyişikliklər olacaq
Bizim WhatsApp kanalımıza buradan abunə ola bilərsiniz Rusiya Təhsil və Elmə Nəzarət Federal Xidməti (“Rosobrnadzor”) […]