Arıçılar üçün subsidiya verilməsi barədə qərar qəbul olunub
Kənd Təsərrüfatı Nazirliyində Respublika Komissiyasının sədri, kənd təsərrüfatı nazirinin müavini İlham Quliyevin sədrliyi ilə arıçılıqla məşğul olan fiziki və hüquqi şəxslərə saxladıqları hər arı ailəsinə (pətəyə) görə subsidiyanın verilməsi üzrə Respublika Komissiyasının növbəti iclası keçirilib.
“Economic“ə verilən məlumata görə, iclasda 26 rayon komissiyasından daxil olmuş sənədlərə baxılıb, 2189 arıçıya saxladıqları 4830 arı ailəsinə (pətəyə) görə dövlət büdcəsinin vəsaiti hesabına hər arı ailəsinə (pətəyə) 10 (on) manat hesabı ilə cəmi 480300 manat məbləğində subsidiyanın verilməsi barədə qərarlar qəbul edilib.
İclasda Azərbaycan Arıçılar Assosiasiyasının nümayəndələri də iştirak edib. Rayon (şəhər) komissiyalarından daxil olan sənədlərə baxılması məqsədilə yaradılmış işçi qrupuna Kənd Təsərrüfatı Nazirliyinin nümayəndələri ilə yanaşı Azərbaycan Arıçılar Assosiasiyasının təmsilçiləri də daxildir.
Respublika Komissiyasının qərarı ilə subsidiya veriləcək arıçıların və onların arı ailələrinin (pətəklərinin) respublikanın rayonları və şəhərləri üzrə bölgüsü aşağıdakı kimi olmuşdur:
- Abşeron- 20 nəfər, 807 arı ailəsi, 8070,0 manat
- Ağcabədi- 65 nəfər, 1027 arı ailəsi, 10270,0 manat
- Astara- 206 nəfər, 9708 arı ailəsi, 97080,0 manat
- Bərdə- 26 nəfər, 638 arı ailəsi, 6380,0 manat
- Füzuli- 121 nəfər, 1500 arı ailəsi, 15000,0 manat
- Goranboy- 74 nəfər, 1800 arı ailəsi, 18000,0 manat
- Gədəbəy- 342 nəfər, 4073 arı ailəsi, 40730,0 manat
- Hacıqabul- 8 nəfər, 449 arı ailəsi, 4490,0 manat
- İmişli – 2 nəfər, 100 arı ailəsi, 1000,0 manat
- İsmayıllı- 5 nəfər, 65 arı ailəsi, 650,0 manat
- Kürdəmir – 27 nəfər, 804 arı ailəsi, 8040,0 manat
- Qazax- 244 nəfər, 3600 arı ailəsi, 36000,0
- Qobustan- 81 nəfər, 1775 arı ailəsi, 17750,0 manat
- Qubadlı- 3 nəfər, 74 arı ailəsi, 740,0 manat
- Laçın – 43 nəfər, 523 arı ailəsi, 5230,0manat
- Lənkəran- 102 nəfər, 3665 arı ailəsi, 36650,0 manat
- Masallı – 171 nəfər, 2750 arı ailəsi, 27500,0 manat
- Oğuz- 39 nəfər, 750 arı ailəsi, 7500,0 manat
- Sabirabad- 2 nəfər, 80 arı ailəsi, 800,0 manat
- Samux – 72 nəfər, 1088 arı ailəsi, 10880,0 manat
- Samux-Gəncə- 3 nəfər, 100 arı ailəsi, 1000,0 manat
- Şabran- 33 nəfər, 988 arı ailəsi, 9880,0 manat
- Şamaxı- 238 nəfər, 6422 arı ailəsi, 64220,0 manat
- Şəmkir- 173 nəfər, 3361 arı ailəsi, 33610,0 manat
- Siyəzən- 73 nəfər, 1600 arı ailəsi, 16000,0 manat
- Salyan- 16 nəfər, 283 arı ailəsi, 2830,0 manat
__________________________________
Cəmi: 2189 nəfər / 48030 arı ailəsi / 480300 manat
Rayon (şəhər) üzrə saxladıqları hər arı ailəsinə (pətəyə) görə subsidiya veriləcək arıçıların siyahısı, onların saxladıqları arı ailəsinin (pətəyin) miqdarı və hesablanmış subsidiyanın məbləği barədə məlumatlar Nazirliyin rəsmi internet səhifəsinin (http://agro.gov.az) “Subsidiyalar” bölməsində yerləşdiriləcək.
Bu günə qədər Respublika Komissiyasının keşirilmiş iclaslarında ölkə üzrə cəmi 4654 arıçiya 113815 arı ailəsinə (pətəyə) görə 1138,15 min manat məbləğində subsidiyanın ödənilməsinə dair qərar qəbul edilmişdir.
Hazırda arıçılıqla məşğul olan fiziki və hüquqi şəxslər tərəfindən saxladıqları hər arı ailəsinə (pətəyə) görə subsidiyanı almaq üçün rayon (şəhər) komissiyalarına müraciətlər daxil olmaqdadar. Rayon (şəhər) komissiyalarından zəruru sənədlər daxil olduqca, Respublika
Komissiyasının iclasında arıçılara hər arı ailəsinə (pətəyə) görə subsidiyanın verilməsi ilə bağlı həmin sənədlərə baxılacaq.
BƏNZƏR MƏQALƏLƏR
-
Özəl şirkətlər “Aqrokadr.az” portalı ilə əməkdaşlığı genişləndirir
Aqrokadr.az portalında özəl müəssisələrə aid 20-dən çox vakansiya dərc edilib. Aqrokadr.az portalı vasitəsilə dövlət və […]
-
Rusiya ilə Azərbaycan arasında taxıl və gübrə tədarükü ilə bağlı qarşılıqlı anlaşma var
Rusiyanın Bakıdakı səfiri bildirib ki, Rusiya Azərbaycana taxıl tədarükünü davam etdirəcək. Bu məsələ ilə bağlı […]
-
Çəltik tədqiqatı sahəsində Pakistanla əməkdaşlıq müzakirə edilib
Çəltikçilin inkişafı ilə bağlı Dövlət Toxum Fondu, Əkinçilik Elmi-Tədqiqat İnstitutu və Pakistan Kənd Təsərrüfatı Tədqiqatları […]