“Apple” daha bir yeniliyini təqdim etməyə hazırlaşır. ANS PRESS-in məlumatına görə, şirkət yeni “iPhone 7 Pro” modelini istifadəyə verəcək. “Apple”ın sentyabr ayında tanıtmağı planlaşdırdığı “iPhone 7” və “iPhone 7 Plus” markaları ilə yanaşı yeni klaviaturalı “iPad Pro”ya bənzəyən “iPhone 7 Pro” modeli də nümayişə çıxarılacaq.
Çoxları isə “iPhone 7 Plus”ın əvəzinə məhz “iPhone 7 Pro”nun təqdim ediləcəyini söyləyir. İddialara görə, “Apple” yeni telefonuna daha incə dizayn verəcək və alt tərəfinə “iPad Pro” kimi “Smart Connector” əlavə edəcək.
Artıq internetdə “iPhone 7 Pro”ya aid olduğu iddia edilən bir foto da yayılıb. Yayılan fotolarda telefonun incəliyindən dolayı qulaqlıq dəliyinin ləğv edildiyi və ön tərəfində səsucaldanın olmadığı görünür.
Hazırda “iPad Pro”larda istifadə edilən “Smart Connector” sayəsində “Smart Keyboard” “iPad Pro”ya asanlıqla bağlana bilər.