Almaniya qeyri-qanuni miqrasiyanın qarşısını almaq üçün quru sərhədlərini gücləndirir
Bakı, 10 sentyabr, AZƏRTAC
Almaniya hökuməti qeyri-qanuni miqrant axınını azaltmaq üçün ölkənin bütün quru sərhədlərində müvəqqəti nəzarətin tətbiqi barədə qərar qəbul edib.
AZƏRTAC xəbər verir ki, bu barədə Almaniya Daxili İşlər Nazirliyinin bəyanatında bildirilib.
Qeyd edilib ki, sentyabrın 16-da başlayacaq və ilkin olaraq altı ay davam edəcək nəzarət miqrasiya siyasətinin sərtləşdirilməsinə yönəlib.
“Biz daxili təhlükəsizliyi gücləndiririk və qeyri-qanuni miqrasiyaya qarşı sərt xəttimizi davam etdiririk”, – deyə daxili işlər naziri Nensi Feyzer vurğulayıb.
Avstriyanın daxili işlər naziri Gerhard Karner “Bild” qəzetinə bildirib ki, ölkəsi Almaniyanın sərhəddə imtina etdiyi miqrantları qəbul etməyəcək.
Keçən il Almaniya ilkin sığınacaq müraciətlərinin artmasına cavab olaraq Polşa, Çex Respublikası və İsveçrə ilə quru sərhədlərində nəzarətin gücləndiriləcəyini açıqlamışdı.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]