İkinci Qarabağ müharibəsi şəhidlərinin ailə üzvləri ŞKTC-nin banilərinin xatirəsini anıblar
Ankara, 17 iyul, AZƏRTAC
İkinci Qarabağ müharibəsi şəhidlərinin ailə üzvlərindən ibarət 32 nəfərlik qrup Şimali Kipr Türk Cümhuriyyətinə (ŞKTC) səfər çərçivəsində bu cümhuriyyətin qurulmasında öncül rol oynamış siyasi xadimlər Rauf Denktaş və Fazil Küçükün xatirəsini yad ediblər.
AZƏRTAC xəbər verir ki, “Zəfər” Şəhid Ailələrinə Dəstək İctimai Birliyinin üzvlərinin səfəri İstanbul Texniki Universitetinin və Girne Amerika Universitetinin xətti ilə Şimali Kiprdə keçirilən yay düşərgəsi çərçivəsində təşkil olunub.
Azərbaycandan gəlmiş qonaqları ŞKTC Prezidentinin müşavirləri Letif Akça və Ahmet Akdeniz müşayiət ediblər. Şəhid ailələrinin üzvləri Şimali Kipr siyasətçilərinin məzarları önünə əklillər qoyub, onların xatirəsini ehtiramla yad ediblər.
İyulun 28-dək davam edəcək səfər çərçivəsində azərbaycanlı qonaqlar Lefkoşada “Maneələri dəf etmək” adlı fotosərginin eksponatları ilə tanış olublar.
Ramin Abdullayev
AZƏRTAC-ın xüsusi müxbiri
Ankara
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]