BVF Türkiyə iqtisadiyyatı ilə bağlı proqnozunu artırıb
Ankara, 17 iyul, AZƏRTAC
Beynəlxalq Valyuta Fondu (BVF) Türkiyədə 2024-cü ildə ÜDM-nin artım proqnozunu 3,6 faizə qədər artırıb.
AZƏRTAC xəbər verir ki, bu barədə məlumatlar fondun iyul ayı üçün açıqlanan icmalında yer alıb.
Beləliklə, BVF Türkiyə üzrə aprel ayı proqnozunu yaxşılaşdırıb, ona əsasən isə cari ilin yekunları üzrə ölkə iqtisadiyyatının artımı 3,1 faiz səviyyəsində qiymətləndirilib.
İyul icmalına görə, Türkiyədə 2025-ci ildə ÜDM-nin artımı 2,7 faiz səviyyəsində proqnozlaşdırılır.
BVF, həmçinin qlobal iqtisadiyyatın artımı üzrə hesablamalarını bölüşüb. Fondun proqnozlarına görə, qlobal iqtisadiyyatın artımı bu il 3,2 faiz, gələn il isə 3,3 faiz təşkil edəcək.
Ramin Abdullayev
AZƏRTAC-ın xüsusi müxbiri
Ankara
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]