Hakim “Gürcü Arzusu” və “Xalqın gücü” partiyaları parlament seçkilərində vahid siyahı ilə iştirak edəcəklər
Tbilisi, 16 iyul, AZƏRTAC
Gürcüstanın hakim “Gürcü Arzusu-Demokratik Gürcüstan” partiyası oktyabrın 26-da keçiriləcək parlament seçkilərində “Xalqın Gücü” partiyası ilə birlikdə vahid siyahı ilə iştirak edəcək.
AZƏRTAC xəbər verir ki, bu barədə “Gürcü Arzusu-Demokratik Gürcüstan” partiyasının icraçı katibi Mamuka Mdinaradze partiyanın yeni mərkəzi ofisinin və seçki kampaniyasının açılışında məlumat verib.
İcraçı katib bildirib ki, “Xalqın Gücü” ictimai hərəkat olaraq 2022-ci ildə “Gürcü Arzusu-Demokratik Gürcüstan” partiyasının deputatları tərəfindən yaradılıb.
Birliyin məqsədi xalqın hakimiyyətin ətrafında daha sıx birləşməsinə nail olmaqdır. Cari ilin mart ayında “Xalqın Gücü” hərəkatı partiyaya çevrilərək parlament seçkilərində iştirak etmək planlarını açıqlayıb.
Bu gün hər iki partiya parlament seçkilərində birgə iştirak etmək barədə qərarını açıqlayıb. Hər iki siyasi partiya parlament seçkilərində vahid siyahı ilə iştirak edəcək.
Xətayi Əzizov
AZƏRTAC-ın xüsusi müxbiri
Tbilisi
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]