Orta əsrlərə aid artefaktlar Fransaya qaytarılıb
Bakı, 15 iyul, AZƏRTAC
1940-cı ildə Fransa işğal edilərkən alman əsgəri Kurt Arpenin Almaniyaya apardığı artefaktlar geri qaytarılıb.
AZƏRTAC “Figaro”ya istinadla xəbər verir ki, Fransa işğal edilərkən Reyxin əsgəri Som departamentindəki qəsəbələrdən birində xidmətə başlayıb. Arpe dislokasiya yerində köhnə tarixi məkanlarda qazıntı apararkən Merovinqlər sülaləsi dövrünə – VI-VIII əsrlərə aid küplər aşkar edir. Arpe aşkar etdiyi 11 artefaktı ailəsinə yollayır. Özü isə 1942-ci ildə SSRİ ərazisində döyüşdə həlak olur.
Ailəsi küpləri saxlayaraq nəsildən-nəsilə ötürür və onlar 2000-ci ildə muzey rəhbəri olan Volfqanq adlı qohumun əlinə keçir. O isə təqaüdə çıxdıqdan sonra evdə saxladığı əşyaları vətənə qaytarmaq qərarına gəlir. Fransa dövlət qurumları ilə yazışmalardan sonra 11 küp Som departamentindəki arxeologiya muzeyinə qaytarılıb. Tarixi əşyalar tədqiqatdan sonra muzeydə nümayiş etdiriləcək.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]