Fərid Qayıbov Avropa Gimnastikasının tədbirində çıxış edib
Bakı, 13 iyul, AZƏRTAC
Norveçin Bude şəhərində 11 ölkədən “Gimnastika hamı üçün” növünün təmsilçisi olan 1250 gimnast həyat naminə 4-cü Avropa Gimnastikası “Challenge”i tədbirində bir araya gəlib.
Gənclər və İdman Nazirliyinin mətbuat xidmətindən AZƏRTAC-a verilən məlumata görə, tədbirin açılış mərasimində Avropa Gimnastikasının prezidenti, Azərbaycan Respublikasının gənclər və idman naziri Fərid Qayıbov çıxış edib.
Tədbirin əsas məqsədi gimnastikanın birləşdirici gücünü nümayiş etdirmək, eləcə də yaşından və fiziki hazırlıq səviyyəsindən asılı olmayaraq hər kəsin bu idman növündə özünü sınaya biləcəyini göstərməkdir.
“Challenge”də iştirak edən bütün komandalar medal və diplomlarla təltif edilir. Turnirdə milli komandanın üzvləri də çıxış ediblər. Tədbir çərçivəsində F.Qayıbov Azərbaycan idmançıları ilə görüşüb və onlara uğurlar arzulayıb.
Azərbaycan gimnastları “Challenge”in ardınca, iyulun 14-18-də baş tutacaq “EUROGYM 2024” tədbirində də iştirak edəcəklər.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]