Zalsburqda Azərbaycan Evində “Yay məktəbi” fəaliyyətə başlayıb
Vyana, 8 iyul, AZƏRTAC
Azərbaycan Respublikası Diasporla İş üzrə Dövlət Komitəsinin dəstəyi ilə Avstriya Respublikasının Salzburq şəhərində fəaliyyət göstərən Azərbaycan Evində “Yay məktəbi” fəaliyyətə başlayıb.
AZƏRTAC xəbər verir ki, yay tətili boyunca uşaqlar hər gün Salzburq şəhərində fəaliyyət göstərən Azərbaycan Evində bu məktəbdən faydalana biləcəklər. Azərbaycan Evinin rəhbəri Fərid Əzizov bildirib ki, məktəbdə mütəmadi olaraq viktorinalar, oxu saatları və sərbəst saatlar təşkil olunacaq. Yay məktəbində şagirdlərə Azərbaycan dili və ədəbiyyatı, alman dili, riyaziyyat, rəsm dərsləri tədris olunacaq. Yay məktəbinə qoşulan şagirdlər arasında artıq azərbaycanlı uşaqlarla yanaşı yerli sakinlər də var və bu da öz növbəsində Azərbaycana və məktəbə artan geniş marağa dəlalət edir. Bundan əlavə bildirilib ki, “Yay məktəbi”nin təşkilində məqsəd yay tətili ilə əlaqədar son tədris ilində şagirdlərin illik qiymətlərində və dərslərində yaranmış zəifliklərin aradan qaldırılması, zəruri bilik və bacarıqların artırılmasıdır.
“Yay məktəbi” ərzində ekskursiyalar, muzey dərsləri, açıq havada məşğələlər və digər öyrədici fəaliyyətlər də nəzərdə tutulur.
Elgün Niftəli
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]