“Kapitan” Makronun gəmisi batmağa başlayır?
Budapeşt, 12 iyun, AZƏRTAC
Fransa prezidentinin tərəfdarlarının parlamentdəki koalisiya nümayəndələri Emmanuel Makronun “onları fəlakətə apara biləcəyindən” qorxurlar.
AZƏRTAC xəbər verir ki, bu barədə “Politico” nəşri yazır.
E. Makronun tərəfdarları onun Avropa Parlamentindəki məğlubiyyətdən sonra növbədənkənar seçkilər keçirmək qərarını məhz bu cür qəbul ediblər.
E.Makronun tərəfdarlarından birinin dediyinə görə, “o danışdıqca, biz rəy sorğularındakı mövqeyimizi daha çox itiririk”.
Daha əvvəl media E.Makronun “Milli Assambleya”da erkən seçkilərlə bağlı avantürasının onun partiyası daxilində xaos və qəzəb yaratdığını yazmışdı. Onun tərəfdarları bu qərarı açıq şəkildə şübhə altına alırlar, dövlət qulluqçuları isə artıq ifrat sağçı hökumətin necə işləyəcəyini müzakirə edirlər.
E.Makron tərəfdarlarının Avropa Parlamentinə seçkilərdə məğlub olması ilə əlaqədar Milli Assambleyanı buraxıb. Medianın məlumatına görə, o, növbədənkənar parlament seçkilərində sağçıların qalib gələcəyi təqdirdə istefa verməyə hazırdır. Lakin E.Makron özü səsvermənin nəticəsindən asılı olmayaraq, vəzifədən getməyəcəyini bəyan edib.
Vüqar Seyidov
AZƏRTAC-ın xüsusi müxbiri
Budapeşt
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]