![](http://economic.az/uploads/2024/06/1718022575110881242_1200x630.jpg)
İspaniyada iqlimlə bağlı elmi məlumatların statistikası üzrə BMT-nin beynəlxalq konfransı işə başlayıb
Bakı, 10 iyun, AZƏRTAC
İspaniyanın Bilbao şəhərində iqlim böhranına həsr olunmuş “Böyük məlumat: Elmi sübutlar rəsmi statistikanın xidmətində” adlı BMT-nin Beynəlxalq konfransı işə başlayıb. Tədbir iyunun 14-dək davam edəcək.
AZƏRTAC BMT-nin saytına istinadla xəbər verir ki, dünyanın bir çox ölkəsindən ekspertlərin, klimatoloqların və rəsmi şəxslərin iştirak etdiyi konfransda BMT-nin Məlumat elmi üzrə ekspertlər komitəsinin rəsmi statistika üzrə sədri vəzifəsini icra edən İmam Məçdi, BMT-nin İqtisadi və sosial məsələlər departamentinin müavini Li Sinxua, Avropa regional proqramlarının rəhbəri Kazumi Oqava və digərləri iqlim dəyişikliyi ilə bağlı elmi araşdırmalara əsaslanan statistik məlumatların hazırlanması mexanizmlərindən bəhs edəcəklər.
BMT-nin mətbuat açıqlamasında qeyd edilib ki, dünya ekoloji problemlər, iqlim dəyişikliyi, sağlamlıq böhranları, ərzaq təhlükəsizliyi, postpandemiya dövründə iqtisadiyyatın bərpası və insanların yerdəyişməsi də daxil olmaqla çoxsaylı qlobal problemlərlə mübarizə apararkən, biliklərin inteqrasiyasına ehtiyac heç vaxt bu qədər çox olmayıb. Sürətlə artan məlumat həcmləri ilə ümumi qlobal mənzərə fonunda əldə edilən informasiyalar əvvəlcədən müəyyən edilmiş miqyaslara və sahələrə bölünür, amma nadir hallarda kollektiv biliyə çevrilir. Statistik icma, məlumat elmi icması, geoməkan icması və modelləşdirmə icmasının qarşısına inteqrasiya olunmuş biliyi çatdırmaq, davam edən mənfi tendensiyaya işıq salmaq vəzifəsi qoyulur. Onlar bir-birinə bağlı, çoxtərəfli və subyektiv, rəqabətli maraqlardan asılı olan potensial həllər təqdim etməlidirlər.
Konfransın məqsədi inteqrasiya olunmuş elmi, statistik və geoməkan məlumatlarının vaxtında və çevik istehsalını tələb edən problemlərə toxunmaq və bilikləri bölüşməkdir. Bu, dövlət və özəl sektorlardan, eləcə də akademik və tədqiqat institutlarından olan strateji tərəfdaşlarla əməkdaşlığı əhatə edir və biliyin töhfə vermək, ondan təkrar istifadə etmək, onu qərar qəbul etmək məqsədilə tətbiq etmək üçün açıq sintezə üstünlük verəcək paradiqma dəyişikliyinə ehtiyac duyur.
Konfrans nazirlərin açılış nitqləri ilə başlayıb və panellər, texniki sessiyalar, bir neçə seminardan ibarət olacaq. Konfransın ümumi mövzusu “İqlim dəyişikliyi və davamlı inkişaf siyasətlərini inteqrasiya olunmuş məlumatlarla təmin etmək”dir.
BƏNZƏR MƏQALƏLƏR
-
Çinin valyuta ehtiyatları 2015-ci ildən bəri ən yüksək səviyyəyə çatıb
Bakı, 8 sentyabr, AZƏRTAC Avqust ayında Çinin valyuta ehtiyatları son 8,5 ilin ən yüksək səviyyəsinə […]
-
Alimlər sudakı kimyəvi maddələri tez və ucuz şəkildə məhv edən üsul hazırlayıblar
Bakı, 8 sentyabr, AZƏRTAC Alimlər suda “sonsuz kimyəvi maddələri” tutaraq məhv edən yeni üsul hazırlayıblar. […]
-
Dünyada sink-ion batareyaları istehsal edən ilk meqa fabrik açılıb
Bakı, 8 sentyabr, AZƏRTAC Dünyanın ilk sink-ion akkumulyator istehsal edən meqa fabriki İsveçdə açılıb. AZƏRTAC […]