![](http://economic.az/uploads/2024/06/17179840033955559811_1200x630.jpg)
İtaliyada Avropa Parlamentinə seçkilərdə Ciorcia Meloninin partiyası birinci olub
Roma, 10 iyun, AZƏRTAC
İtaliyada Avropa Parlamentinə seçkilərdə Baş nazir Ciorcia Meloninin partiyası olan ifrat sağçı “İtaliya Qardaşları” Partiyası qələbə qazanıb.
AZƏRTAC xəbər verir ki, İtaliyada Avropa Parlamentinə və 3698 bələdiyyədə keçirilən qismən yerli seçkilərdə səsvermə prosesi başa çatıb.
Daxili İşlər Nazirliyinin məlumatına görə, 51 milyon 198 min 828 seçicinin olduğu ölkədə Avropa Parlamentinə seçkilərdə fəallıq 48 faiz olub.
Sağçı koalisiya hökumətinin əsas tərəfdaşı olan Baş nazir Ciorcia Meloninin sədri olduğu “İtaliya Qardaşları” Partiyası səslərin 28,5 faizini toplayaraq birinci olub.
İlk qeyri-rəsmi nəticələrə görə, Florensiya və Bari kimi böyük şəhərlərdəki yerli seçkilərdə isə heç bir namizəd səslərin 50 faizdən çoxunu toplaya bilməyib. Buna görə də, ikinci tur seçkilər keçiləcək.
Qeyd edək ki, İtaliya 76 nəfərlə Avropa Parlamentində təmsil olunan üçüncü ölkədir.
Nihad Budaqov
AZƏRTAC-ın xüsusi müxbiri
Roma
BƏNZƏR MƏQALƏLƏR
-
Çini qablar – hazırlanma qaydası uzun illər əcnəbilərdən gizlədilən sənət
Pekin, 8 sentyabr, AZƏRTAC Tarixən imperator saraylarını bəzəyən, şahlara, krallara verilən bahalı hədiyyələr arasında çini […]
-
Alimlər ömrü uzadan yeni gen aşkarlayıblar
Bakı, 8 sentyabr, AZƏRTAC Alimlər uzunömürlülüklə əlaqəli yeni gen aşkarlayıblar. AZƏRTAC xarici mediaya istinadla xəbər […]
-
Dünya Köçəri Oyunları: Astanada etnoaul qapılarını açdı
Astana, 8 sentyabr, AZƏRTAC 5-ci Dünya Köçəri Oyunları çərçivəsində Astanada “Köçərilər Dünyası” etnoaulunun açılışı olub. […]