Azərbaycanla Kuba arasında turizm sahəsində əməkdaşlıq imkanları müzakirə edilib
Vaşinqton, 07 iyun, AZƏRTAC
Azərbaycanın Kubadakı səfiri Ruslan Rzayev 6 iyun tarixində bu ölkənin turizm naziri Xuan Karlos Qarsia Qranda ilə görüşüb.
Səfirlikdən AZƏRTAC-a verilən məlumata görə, görüşdə Azərbaycanla Kuba arasında əlaqələrin inkişafından məmnunluq ifadə olunub və turizm sahəsi də daxil olmaqla digər istiqamətlərdə əməkdaşlıq üçün geniş imkanların olduğu vurğulanıb. Söhbət əsnasında iki ölkə arasında turizm, hotelçilik və turizm obyektlərinin idarə olunması kimi sahələrdə əməkdaşlıq, bu sektorda çalışan mütəxəssislər, eyni zamanda ixtisaslaşmış ali təhsil ocaqları arasında mübadilələrinin həyata keçirilməsi imkanları müzakirə edilib.
Görüşdə həmçinin, Azərbaycan turizm agentliklərinin nümayəndələrinin bu yaxınlarda Kubaya baş tutmuş tanışlıq səfərləri məmnununla xatırlanaraq, bu cür mübadilələrin davam etdirilməsinin və hər iki ölkədə təşkil edilən beynəlxalq turizm sərgilərində iştirakın vacibliyi qeyd edilib.
Məlahət Nəcəfova
AZƏRTAC-ın xüsusi müxbiri
Vaşinqton
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]