BDU və Türkiyənin Fırat Universiteti əməkdaşlıq əlaqələrini genişləndirir
Bakı, 6 iyun, AZƏRTAC
Bakı Dövlət Universitetində (BDU) Türkiyənin Fırat Universiteti ilə akademik əməkdaşlıq məsələləri müzakirə olunub.
BDU-dan AZƏRTAC-a bildirilib ki, görüşdə prorektorlar Fərda İmanov və Şahin Pənahov, Beynəlxalq əlaqələr şöbəsinin müdiri Rauf Həsənov, Fırat Universitetindən isə prorektor Mehmet Yılmaz və Beynəlxalq əlaqələr şöbəsinin müdiri İzzət Taşar iştirak ediblər.
Görüşdə iki universitet arasında müəllim-tələbə mübadiləsi, birgə elmi-tədqiqatların aparılması, ortaq layihələrin, müasir tələblərə cavab verən tədris proqramlarının hazırlanması, beynəlxalq konfransların keçirilməsi və digər sahələrdə əməkdaşlıq əlaqələri müzakirə olunub. Görüşdə, həmçinin magistratura və doktorantura təhsil səviyyələrində birgə kadr hazırlığı, elmi məqalələrin nəşri üzrə də müzakirələr aparılıb.
Qeyd edək ki, 16 fakültəsi, 4 institutu olan Fırat Universiteti 1975-ci ildən fəaliyyət göstərir. 43 min tələbəsi ilə Şərqi Anadolunun ən böyük təhsil müəssisələrindən olan Fırat Universiteti elmi-tədqiqat universiteti statusunu alıb.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]