Türkiyədə işlənib hazırlanmış “Türksat 6A” ilk telekommunikasiya peyki ABŞ-a göndəriləcək
Ankara, 4 iyun, AZƏRTAC
Türkiyədə işlənib hazırlanmış “Türksat 6A” ilk telekommunikasiya peyki Yer kürəsinin geostasionar orbitinə buraxılması məqsədilə iyunun 4-də ABŞ-a göndəriləcək.
AZƏRTAC xəbər verir ki, TÜBİTAK UZAY-ın mütəxəssisləri tərəfindən işlənib hazırlanmış peyk ASELSAN, TUSAŞ və C2TECH şirkətlərindən olan mühəndislərin də iştirakı ilə gələn ay Florida ştatının Kanaveral burnundan buraxılacaq.
“Türksat 6A”nın bu gün Ankaradan göndərilməsi nəzərdə tutulan mərasimində Türkiyənin nəqliyyat və infrastruktur naziri Əbdülkadir Uraloğlu və sənaye və texnologiyalar naziri Mehmet Fatih Kacır iştirak edəcək.
Türkiyə peykinin buraxılma tarixi cari ilin iyulun 8-i 15-i aralığında müəyyən edilib.
Çəkisi 4 ton 250 kiloqram olan “Türksat 6A” 42 dərəcə şərq uzunluğunda yerləşdiriləcək. Yeni peykin əhatə dairəsi Orbitdə olanlardan daha genişdir, bu da xidmətləri həmçinin Hindistan, Tailand, Malayziya və İndoneziyada da təqdim etməyə imkan verəcək.
Ramin Abdullayev
AZƏRTAC-ın xüsusi müxbiri
Ankara
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]