Nobel mükafatı laureatı Əziz Səncər Naxçıvanda səfərdədir
Bakı, 1 iyun, AZƏRTAC
Azərbaycan Milli Elmlər Akademiyasının dəvətilə ölkəmizə səfərdə olan dünyaşöhrətli alim, kimya üzrə Nobel mükafatı laureatı Əziz Səncər “Türk dünyasının qapısı” kimi tanınan Naxçıvan Muxtar Respublikasına gedib.
AZƏRTAC xəbər verir ki, dünyaşöhrətli alim səfər çərçivəsində əvvəlcə Ümummilli Lider Heydər Əliyevin abidəsini ziyarət edib.
Əziz Səncərin Naxçıvanda olarkən Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi Fuad Nəcəfli ilə görüşəcəyi nəzərdə tutulur.
Nobel mükafatı laureatı, həmçinin AMEA-nın Naxçıvan bölməsi ilə tanış olacaq, Naxçıvan Dövlət Universitetinin professor-müəllim heyəti və tələbələri ilə görüşəcək.
Qeyd edək ki, Əziz Səncəri AMEA-nın prezidenti akademik İsa Həbibbəyli, Türkiyənin Azərbaycandakı səfirliyinin mətbuat müşaviri Alptekin Cihangir İşbilir müşayiət edirlər.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]