AQC sədri: İqtisadi təşkilatların fəaliyyətində canlanma yaranıb
Bakı, 1 İyun, AZƏRTAC
Türk Dövlətləri Qiymətləndiricilər Birlikləri Şurası strukturlaşmış bir qurumdur və ayrı-ayrı sahələr üzrə fəaliyyətini tənzimləyən təsisatlar çərçivəsində fəaliyyət göstərir.
AZƏRTAC xəbər verir ki, bunu Azərbaycan Qiymətləndiricilər Cəmiyyətinin (AQC) sədri Vüqar Oruc Türk Dövlətləri Qiymətləndiricilər Birlikləri Şurasının toplantısında və III Beynəlxalq Qiymətləndiricilər Forumunda bildirib.
O qeyd edib ki, iqtisadi sektorların kordinasiyalı fəaliyyətinin təmin olunması məqsədilə assosiativ ticari birliklərin fəaliyyəti yüksəldilib.
“Dövlət dəstəyi assosiativ təşkilatların qarşısında yeni imkanlar açıb və iqtisadi təşkilatların fəaliyyətində canlanma yaranıb. Azərbaycan Qiymətləndiricilər Cəmiyyəti ölkəmizin ilk assosiativ təşkilatlarından biridir və belə təşkilatların daha zəif olduğu bir dövrdə, ötən əsrin sonlarında fəaliyyətə başlayıb. Təbii ki, bu sahədə baş verən mütərəqqi dəyişikliklər AQC-nin fəaliyyətindən də yan ötməyib. Son illərdə AQC-nin fəaliyyətində mühüm dəyişikliklər baş verib ki, burada beynəlxalq əlaqələrin güclənməsi xüsusi yer tutur”, – deyə V.Oruc bildirib.
Onun sözlərinə görə, Türk Dövlətləri Qiymətləndiricilər Birlikləri Şurası Azərbaycan, Türkiyə, Qazaxıstan, Özbəkistan, Qığrızıstan, Türkmənistan və Şimali Kipr Türk Cümhuriyyətində fəaliyyət göstərən qiymətləndiriciləri bir araya gətirə bilib.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]