Hindistanda anomal istilər 50-dən çox insan ölümünə səbəb olub
Bakı, 1 iyun, AZƏRTAC
Hindistanın müxtəlif yerlərində, xüsusilə şərq, mərkəzi və şimal bölgələrində son bir neçə gündə Cənubi Asiyanın əksər hissələrini bürümüş anomal isti hava dalğası nəticəsində 50-dən çox insan ölüb.
AZƏRTAC “Sinxua” agentliyinə istinadla xəbər verir ki, bu barədə yerli media və hökumət rəsmiləri bildiriblər.
İstidən halı pisləşən 200-ə yaxın insan isə xəstəxanaya yerləşdirilib.
Ölənlərin əksəriyyəti, təxminən 25 nəfər şərqdəki Bihar əyalətindəndir.
Son bir neçə gündə xüsusilə Dehli və Racastan əyalətlərində temperatur 53 dərəcəyədək yüksəlib. Hindistan Meteorologiya Departamentinin məlumatına görə, bu göstərici normadan 8-10 dərəcə yüksəkdir.
“Hindistanın şimal-qərbində, mərkəzi və şərqində üstünlük təşkil edən isti hava dalğasının yaxın iki-üç gün ərzində tədricən azalacağı gözlənilir” – deyə departament bildirib.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]