ABBA qrupunun üzvləri cəngavər ordeni ilə mükafatlandırılıblar
Stokholm, 1 iyun, Nərgiz Cəfərli, AZƏRTAC
İsveç kralı Karl Qustav və Kraliça Silviya əfsanəvi ABBA pop qrupunun üzvlərini “Vasa” ordeni ilə təltif ediblər.
AZƏRTAC xəbər verir ki, İsveç vətəndaşlarının ordenlə təltif edilməsi 1975-ci ildə ləğv edilib, lakin 2022-ci ildə Riksdaq tərəfindən bərpa olunub.
Mükafatlandırma mərasimi son 50 il ərzində ilk dəfə keçirilib. Bu il ABBA qrupunun “Avroviziya-1974” mahnı müsabiqəsində “Waterloo” mahnısı ilə qalib gəlməsindən 50 il ötür. Benni Andersson, Agneta Feltskoq, Anni-Frid Linqstad və Byorn Ulveys indi özlərini “Vasa” ordeninin cəngavərləri və ya birinci sinif komandorları adlandıra bilərlər.
“Bu, İsveçin sülh naminə göstərdiyiniz səylərə görə minnətdarlığıdır”, – deyə Kral mükafatlandırma mərasimində vurğulayıb.
Qeyd etmək lazımdır ki, 1772-ci ildə Kral II Qustav Adolf tərəfindən təsis edilən “Vasa” ordeni ölkəyə xüsusi xidmətlərə görə verilir və ən yüksək cəngavər ordenlərindən biridir.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]