Ekspert istehsalçı tərəfindən smartfona quraşdırıla bilən viruslar barədə xəbərdarlıq edib
Yeni smartfonlar artıq satışa çıxarılmazdan əvvəl zərərli proqrama yoluxmuş ola bilər.
Bu barədə rusiyalı informasiya təhlükəsizliyi üzrə ekspert Aleksey Lukatski bildirib.
Ekspertin sözlərinə görə, yeni smartfonların zərərli proqrama yoluxdurulmasının iki variantı var.
Birinci variantda belə proqramlar hələ istehsal olunarkən smartfona quraşdırılır. Lukatski qeyd edib ki, bu, ucuz Çin istehsalı olan smartfon modellərində baş verir. Belə məhsulların istehsalçıları təkcə smartfonların özlərindən deyil, həm də istifadəçilərin şəxsi məlumatlarının satılmasından da pul qazanmağa çalışırlar.
İkinci variantla virus idxal edilən ölkənin özündə də cihaza quraşdırıla bilər. Lakin ekspertin fikrincə, bu, daha çox nəzəri cəhətdən mümkündür.
Lukatski hesab edir ki, mobil antivirus quraşdırmaqdan başqa, adi istifadəçinin belə zərərli proqramla mübarizə aparmaq imkanı yoxdur. İstehsal zamanı əməliyyat sisteminə quraşdırılmış virusu silmək isə, demək olar ki, mümkün deyil. Bununla bağlı ekspert az tanınan istehsalçılardan ucuz smartfonlar almağı deyil, az-çox tanınmış brendlərin qadcetlərini seçməyi təklif edib.
Mənbə: “Sputnik” radiostansiyası
BƏNZƏR MƏQALƏLƏR
-
“GTA 6” oyununun buraxılış tarixi məlum oldu – VİDEO
Bizim WhatsApp kanalımıza buradan abunə ola bilərsiniz “Take-Two Interactive” video oyun tərtibatçısı 2024-cü maliyyə ili […]
-
Milyarder Frenk Makkurt “TikTok”un ABŞ biznesini almaq istəyir
Bizim WhatsApp kanalımıza buradan abunə ola bilərsiniz Milyarder Frenk Makkurt “TikTok”un ABŞ biznesini almaq niyyətində […]
-
Ən böyük smartfon istehsalçısının adı AÇIQLANDI
Bizim WhatsApp kanalımıza buradan abunə ola bilərsiniz “Samsung” on il ərzində bazara təxminən üç milyard […]