Tədqiqat: Tədricən daha az isveçli dəri xərçənginə tutulur
Stokholm, 10 sentyabr, Nərgiz Cəfərli, AZƏRTAC
İsveç alimlərinin apardığı araşdırma nəticəsində məlum olub ki, ilk dəfə olaraq 50 yaşdan aşağı isveçlilərdə dəri xərçəngi (bədxassəli xərçəng) riski azalır.
AZƏRTAC xəbər verir ki, tendensiyada dönüş 2015-ci ildə baş verib.
“Tendensiyada dönüşün müşahidə olunması həqiqətən də yaxşı xəbərdir. Bu göstərir ki, çoxları, lakin təəssüf ki, hamısı deyil, vərdişlərini günəş işığına yaxşı uyğunlaşdırıblar. Biz həm də Avropada azalma nümayiş etdirən ilk ölkəyik”, – deyə Karolina İnstitutunun onkologiya kafedrasının dosenti və baş həkim Hildur Helgadottir deyir.
1990-2020-ci illərdə müxtəlif yaş qruplarında xəstəliyə tutulma və ölüm hallarını izləyən Helgadottir və onun həmkarları 59 yaşdan aşağı olanlarda bədxassəli xərçəng səbəbi ilə ölüm hallarının da azalmasını müşahidə ediblər.
Alimlərin fikrincə, günəşdən qorunma haqqında məlumatlı olmaq yaxşı nəticələrin izahatlarından biridir.
Daha bir amil solyariumların daha az olması, üçüncü amil isə bu gün uşaqların və gənclərin evdə daha çox vaxt keçirməsi ola bilər.
Helgadottir, həmçinin hesab edir ki, İsveçdə günəşə daha yaxşı dözə bilən tünd dəri piqmentasiyasına sahib olan insanlar çoxalıb. Lakin tədqiqatçılar ultrabənövşəyi şüalanmanın ən yüksək həddə çatdığı zaman yeniyetmə qızların günəş vannası qəbul etməsi tendensiyasından narahatdırlar.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]