Vyetnamda “Yaqi” qasırğasına görə 300-dən çox uçuş ləğv edilib
Pekin, 7 sentyabr, AZƏRTAC
“Yaqi” qasırğasının yaxınlaşması ilə əlaqədar Vyetnamda sentyabrın 7-də yerinə yetirilməli olan 330 uçuş ləğv edilib. Bunların 240-ı yerli, 70-i isə beynəlxalq uçuşdur.
AZƏRTAC Vyetnam mediasına istinadla xəbər verir ki, uçuşlar paytaxt Hanoy, Hayfon və Thosuan şəhərləri, Kuanqnin əyalətindəki hava limanlarında ləğv edilib.
Proqnozlara görə qasırğa ölkənin şimal hissəsində, o cümlədən paytaxtda təsirli olacaq. Bu səbəbdən 5,6 milyon şagirdin təhsil aldığı məktəblərdə dərslər dayandırılıb. Qasırğanın törədə biləcəyi fəsadlarla mübarizəyə və qabaqlayıcı tədbirlərə 457 min hərbi qulluqçu, 10 min texnika cəlb olunub.
Meteoroloqlar “Yaqi” qasırğasının güclü külək və 400 millimetrlik yağıntı gətirəcəyini proqnozlaşdırıb.
Şahin Cəfərov
AZƏRTAC-ın xüsusi müxbiri
Pekin
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]