1 hektar taxıl sahəsini sığortalamaq 5,5 manata başa gəlir ? - Economic.Az
MƏZƏNNƏLƏR
FreeCurrencyRates.com

QAYNAR XƏBƏRLƏR

1 hektar taxıl sahəsini sığortalamaq 5,5 manata başa gəlir ?

ECONOMIC: Aqrar sığorta ilə bağlı Quba və Qusarda fermerlərlə görüşlər keçirilib

Azərbaycanda kənd təsərrüfatının, xüsusilə də meyvəçiliyin geniş yayıldığı şimal bölgələrində fermerlər və iş adamları aqrar sığorta barədə məlumatlandırılıblar.

Aqrar Sığorta Fondunun nümayəndələri Quba və Qusar rayonlarında fermer və iş adamları ilə çoxsaylı görüşlər keçiriblər.

Qusar Dövlət Aqrar İnkişaf Mərkəzinin (DAİM) yaxından təşkilatçılığı və dəstəyi ilə Qusar rayonunda görüşlər rayonun əsas kənd təsərrüfatı əraziləri sayılan Piral, Yasab, Gədəzeyxur, İmamqulukənd kəndlərində və Samur qəsəbəsində keçirilib.

Qaba rayonunda isə DAİM-in dəstəyi ilə keçrilən görüşlər rayonun Vəlvələkənd kəndi, Vladimirovka kəndi və DAİM-də baş tutub.

Görüşlərdə Aqrar Sığorta Fondunun nümayəndələri yerli fermerləri aqrar sığorta mexanizmi, onun şərtləri və üstünlükləri barədə məlumatlandırıblar.

Fermerlərə bildirilib ki, dövlətin dəstəyi ilə tətbiq edilən aqrar sığorta vasitəsilə hazırda 14 növ bitkini (arpa, buğda, qarğıdalı, çəltik, pambıq, tütün, çay, kartof, şəkər çuğunduru, üzüm, fındıq, limon, naringi və portağal) və südlük inək-camışları sığortalamaq mümkündür.

Aqrar sığortada fermerlərə dövlət dəstəyi məqsədilə əkin sahələri və heyvnaların sığortalanması üzrə sığorta haqqının yarısını dövlət ödəyir. Nəticədə fermerlər olduqca kiçik məbləğdə sığorta haqqı ödəməklə əkin sahələri və heyvanlarını sığortalaya bilərlər.

Belə ki, Quba və Qusar rayonlarında (Quba-Xaçmaz iqtisadi rayonu) 1000 manatlıq məhsul götürülən buğda sahəsinin hər hektarının sığortalanması fermerlərə cəmi 5,5 manata, arpa sahəsinin sığortalanması isə cəmi 7 manata başa gəlir.

Məhsuldarlığın misbətən aşağı olduğu dəmyə ərazilərində isə hər hektar üzrə sığorta haqqı daha da aşağıdır.

Bu məbləğ müqabilində əkin sahələri təbii fəlakətlərdən, o cümlədən qasırğa, fırtına və doludan, yanğın, eləcə də 3-cü şəxslərin hərəkətlərindən sığortalanır.

Fermerlər bitkilərin aqrar sığortası şərtlərinin və sığorta haqlarının olduqca əlverişli olduğunu bildiriblər.

Görüşdə bildirilib ki, qiyməti 1000 manatdan başlayan inəklərin sığortalanması fermerə 30-47 manata başa gəlir. Qiyməti 1500 manat olan inəklərin sığortalanması üçün 45-71 manat, 2000 manata olan inəklərin sığortalanması isə 61-95 manat tələb olunur.

Bu məbləği ödəməklə inəkləri təbii fəlakətlər, yanğın, yoluxucu xəstəlik və zəhərlənmələr, ilən və həşarat sancmasından ölüm, zəhərli ot və yemdən zəhərlənmədən ölüm, vəhşi heyvanların hücumu və üçüncü şəxslərin hərəkətlərindən sığortalamaq olar.

Görüşdə iştirak edən fermerlər və yerli sakinlər sığorta şərtləri, sığortalanma və ödəniş prosedurları barədə suallar veriblər, bütün suallar Aqrar Sığorta Fodunun nümaynədələri tərəfindən ətraflı cavablandırılıb.

Bildirilib ki, sığorta hadisəsi baş verdikdə lazımi sənədlər təqdim ediləndən sonra 7 gün ərzində sığorta ödənişi fermerin hesabına keçirilir.

Fermerlər şimal bölgəsində geniş yayılan meyvə bağlarının nə vaxtdan sığortalanacağı ilə maraqlanıblar. Onlara bildirilib ki, qanunvericiliyə dəyişikliklər hazırlanır və yaxın vaxtlarda sığortalanan məhsulların – bitki və heyvanların siyahısı böyüyərək 40-a çatdırılacaq. Eləcə də aqrar sığortanın əhatə etdiyi risklərin siyahısı genişləndiriləcək.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.

Top